شعور فظيع لما الواحد يحس انه مسحول

شعور فظيع لما الواحد يحس انه مسحول

ماسك ريموت التليفزيون وبيقلب فيه بدون هدف مستني لما يلاقي حاجة تعجبه وتشغل فكره من الواقع اللي حواليه.

عمال يقلب في الفيس بوك بدون هدف يمكن يلاقي بوست يعجبه.

وبيفضل كده يا عيني ووقته مسروق وهو ضحية للصخب اللي حواليه 

لو نام وغمض عنيه وفكر هو عمل ايه انهارده ولا قضى ساعتين قدام التليفزيون ليه ولا 3 ساعات سوشيال ميديا ليه هيلاقي المحصلة وقت بيقصه من حياته مش محتاجه تحس انه بيقول ده زيادة عليا بفقد فيه الإحساس والشعور بالأخرين وبنفسي بسلم دماغي لي جاي وبس وميهمنيش حاجة.

بيتهيألي الحاجت دي لو عاملناها زي الشباك اللي وقت ما نحتاج شمسه نفتحه ووقت ما نحتاج ضله نقفله هنستفيد اكتر ونحس بحياتنا أكتر.

أوقات كتيرة بنحس بملل رهيب مش عارفين له سبب وده سبب رئيسي فيه اننا مش بنحس بالحاجة اللي بنعملها ولا باللحظة اللي عايشينها بجد.

جرب كده تفكر انا بعمل ده ليه وناوي اعمل بعده ايه وشوف النتيجة مش هتلاقي وقت أصلا تفكر انك مللان.

وبرده حاول تلاقي وقت لنفسك وبس تراجع فيه تفاصيلك وعلاقاتك وحقوقك وواجباتك مع ربنا ومع الناس صدقني هتفرح