تبت في هدفك

بقلم - أسماء حامد

سيدنا محمد لما جه ينشر الاسلام إتهاجم كتير جدا واتأذي جدا لدرجة محدش يتحملها والاكتر من كده إنه اتأذي من عمه!! 

سيدنا محمد كان بيبذل كل جهده ووقته في نشر الاسلام وكان بيروح الأسواق والقبائل عشان يدعوهم للإسلام وأبوجهل عمه كان بيمشي وراه ويقول للناس ده مجنون محدش يصدقه وكان الناس بتقوله "اهلك وعشيرتك أدري بيك .. كانوا هما صدقوك" .

بس سيدنا محمد كان مؤمن جدا برسالته وبربنا وعنده ثقه في ربنا انه هينصره عشان ربنا وعده؛ سيدنا محمد كان قادر إنه يدعي ربنا ينزل عذابه على الناس دي بس سيدنا محمد صبر جدا عشان كان مؤمن برسالته اللي إتخلق عشانها؛ سيدنا محمد ربنا نصره عشان هو نصر ربنا، سيدنا محمد ما إستسلمش للأذي عشان يوصل لهدفه وهو نشر الاسلام..

اللي أنا عاوزه أقوله.. خليك مؤمن بهدفك مهما كان الناس شايفاه تافه، مهما الناس أحبتطك، مهما الناس إتريقت عليك وعلي الحاجه دي؛ لو أنت مؤمن بحاجه خد سيدنا محمد قدوتك وخليك وراها ولما تضعف خلي سلاحك جنبك "الدعاء والصلاة" .. إدعي ربنا كتير وخليك واثق انه هينصرك طول مانت عندك ثقه فيه ومؤمن بهدفك.

خلي أشرف الخلق قدوتك .. اللهم صل وسلم وبارك عليه وعلي آله وصحبه وسلم أجمعين.