إعلامجي | المرأة في اﻹسلام

بقلم - أسماء حامد

الإضطهاد، عدم المساواة، الظلم ومعاني كتير جدا بالنسبة لناس كتير وخاصة الغرب، أول أفكار بتيجي في دماغهم لما بيكون الكلام عن المرأة المسلمة.النظرة دي بتخلط بين الثقافات الممارسية وبين الإسلام،وبيفشلوا في إدراك إن الإسلام أدي المرأة حقوق كتير جدا مقارنة بأي دين تاني أو حضارة تانية.

*هتكلم في نقاط بسيطة جدا وهبدأ بعدم المساواة بين المرأة والرجل: الإسلام ساوى بين المرأة وبين الرجل في كل حاجة ماعدا الجهاد والنفقة دي الحاجة الوحيدة اللي الرجل مفضل فيها علي المرأة وده لأن فيها مشقة، قال تعالي: "الرجال قوامون على النساء بما فضل الله بعضهم علي بعض وبما أنفقوا من أموالهم" صدق الله العظيم

طيب متساويين في إيه؟ في نفس النقطة دي الرد علي فكرة الظلم و الإضطهاد.

وفي الوقت اللي الناس فيها كانت بتؤد البنات ((دفن البنات وهما لسه علي عايشين))، الإسلام جه ومنع ده يعني أدي البنت حق الحياة في الوقت اللي الناس في الجاهلية أخدته منهم بدون وجه حق. 

الإسلام كرم المرأة في المجتمع ورفع مكانتها وقد لها الحماية وأدها حقوق ماكنتش موجودة قبل كده،الإسلام أدي المرأة حق التعلم،وحق إختيار شريك حياتها، وحق الإحتفاظ بهوايتها بعد الزواج، منحها حق الطلاق، والعمل، البيع والشراء والإمتلاك، وطلب الحماية من القانون، حق التصويت والمشاركة في المجتمع.

*المرأة في الإسلام مقارنة بالمرأة في اليهودية:

المرأة في اليهودية ممنوعة من قرأة التوراه نسبة لنظرية الطهارة في الدين بتاعهم، وكمان غير مسموح ليها أنها تعرف حاجة عن دينهم غير اللي حاجات بسيطة الرجال بيعلموا ليهم.

بعكس المرأة في الإسلام:لأن الإسلام بيأمر المرأة بالتعليم وتعلم دينها وتعليمه وإنها تسأل عن أي حاجة مش مفهومة وبيأمرها إنها تقرأ القرآن.

*مقارنة بالمرأة في الهند:

في الهند لحد الوقت ده في ناس بتدفن البنات وهما عايشين زي أيام الجاهلية بالضبط الفرق بس إن في الجاهلية بيقتلوهم بسبب إنهم شايفنهم عار لكن في الهند بسبب الفقر في حين إن الإسلام منع ده وكرمهم حتي لو كان السبب الفقر قال تعالي: "ولاتقتلوا أولادكم من إملاق نحن نرزقكم وإياهم" صدق الله العظيم

باﻹضافة لأن المرأة في الهند ماعندهاش حق أختيار شريك حياتها باﻹضافة ﻹن هي اللي بتدفع المهر علي عكس المرأة في اﻹسلام.

دي نقاط بسيطة جدا جدا جدا عن تكريم اﻹسلام للمرأة.

وهقول تاني بردو وهفضل أقولها ماترضيش بأقل من اللي الدين أدهولك.