إعلامجي | بداية جديدة لنفسك .. إبدأ بنفسك

بقلم - محمد عيسى

ليه متكونش أنت البداية والتغيير لحياتك .. وتعلم غيرك يكون زيك ؟!

لو فكرت في حالك وانك فعلاً علي غلط بس دايمًا بتقول "هيا جات عليا أنا " .. أنت في إيديك كل حاجة بس تعالى كدا نشوف ممكن بداية التغيير للأفضل لحياتك إزاي؟! 

١- العبادة .. الصلاة والدعاء والقرآن هيغيروا حياتك بإذن الله إلي الأفضل.

#هقرب_من_ربنا 

٢- التسامح .. إنك تسامح ده شئ كويس ومن صفات روسولنا الكريم (اللهم صلي وسلم عليه)

#هسامح_من_النهاردة

٣- إيه ده بتعاكس بنات الناس؟!  طيب تعالى نقلبها كدا .. لو واحدة قريبتك وشوفت حد زيك عمل كدا ياتري هتعمل إيه؟!أكيد طبعًا عارف. 

#مش_هعاكس_بنات_الناس 

٤- إرمي السجارة اللي في إيديك دي .. ربنا قال (ولا تلقوا بأيديكم إلى التهلكة) .. أنت مصمم تأذي نفسك ليه؟! وتأذي إللي حواليك معاك. 

#مش_هدخن_تاني_خلاص 

٥- حفاظًا علي سلامتك وسلامة الآخرين عاهدني كدا أنك متكونش #متهور في القيادة وتلتزم بقواعد المرور .. أظن إنها مش معمولة عشان حضرتك تنفضلها. 

#هلتزم_بقواعد_المرور

٦- كن إيجابي وبلاش السلبية .. هتدمر حاجات كتير جواك وهتفقد إحساسك.

#أنا_إيجابي_من_النهاردة

٧- بلاش تظلم حد من غير متسمع منه .. إسمع وإحسبها وبعدين أحكم.

#مش_هظلم_حد_تاني

٨- لما تبقى قاعد مع ناس لازم تحترم آرائهم وتسمع منهم وبعدين تتكلم .. ده مجرد رأي.

#سأحترم_رأي_الآخرين

٩- ليه ترمي أي قمامة علي الأرض؟! ما ممكن ترميها في سلة النفايات وكدا تبقي حافظت علي نظافة المكان .. وريحت العامل اللي بينضف الشارع .. ومتقوليش الشارع مش نضيف!! قولت إبدأ بنفسك. 

#هحافظ_على_نظافة_بيئتي

١٠- #لن_أكون_كاذباً 

١١- #لن_أدفع_رشوة 

أنا عارف انه صعب تغير الحياة .. بس أنت تقدر تغير نفسك ..

كل إللي عليك توكل على الله وإبدأ ..