الصـــبر..

بقلم - رنا الجندي

كتير نسمع صَبر ونال  أو نسمع اصبر وربنا هيسهلها من عنده أو نسمع اصبر واحتسب أو حد يقولك يا عم اصبر ده الصبر مفتاح الفرج .. صفة ثابته للأجر  

إحدى صديقاتي اتخطبت أكتر من 9 مرات ومحصلش نصيب فعليا بعد المره الثالثة كانوا المحيطين ليها كطبيعة البشر العادية بيسألوا على الاسباب وبيجزموا ان أكيد الغلط فيها هي وان أكيد الناس دي إكتشفوا فيها سبب وسابوها؛ ومع كل خطوبة ليها يبدأ التنجيم والفضول هتكمل مش هتكمل، ومع انتهاء الموضوع اللي كان شاكك في كلام المحيطين يبدأ يصدق وهكذا لحد ما ربنا تمم لها ورزقاها بالاصلح ليها واتجوزت وهي في سن 36 سنة حد كويس جدا وعايشه سعيدة جداً الحمد لله وربنا يسعدها أكتر وأكتر.. 

كل المحيطين حاليا ردهم جملة واحدة صبرت ونألت !!

الامام على بن أبي طالب ليه مقولة جميلة (سأصبر حتى يعجز الصبر عن صبري، سأصبر حتى ينظر الرحمن في أمري، سأصبر حتى يعلم الصبر أني صبرت على شئٍ أمرّ من الصبر...)

كنا في المطار وميعاد طايرتنا اتأخر كتير والصالات زحمة جداّ مفيش مكان نقعد فيه بالمعني الحرفي.. 

روحنا نصلي واستنينا في المسجد شوية ساعة ورجعنا المكان المحدد لرحلتنا اللي كانت المفروض واحدة ظهراً الساعة 3 ولسه مفيش جديد..

عرفونا ان رحلتنا اتأجلت وهتطلع الساعة 7 المغرب، طبعا ردود أفعال الناس كانت متفاوتة بين اللي بيشتم في الطيران واللي بيشتم في المرشدين اللي طالعين معاه وبين اللي بيشتم في الناس كلها وفيه اللي ساكت بدون تعليق.. 

المهم وصلت طايرتنا زحام على الاتوبيسات اللي بتنقل زحام على الخروج، واحنا قاعدين في الصالة، تقريبا محدش فيها غيرنا أنا وبابا واتنين كمان.. خرجنا من غير زحام وبهدوء 

اللي يعرف الطيران السعودي هيعرف انهم مش بيلتزموا بأرقام الكراسي ويقعدوا من الخلف للامام، احنا قاعدنا في الدرجة الأولي مدفعناش زيادة في الفلوس دفعنا صبر..

تخيل انك تدخل الجنة بدون حساب !! 

قال تعالي .. بسم الله الرحمن الرحيم "إنما يوفي الصابرون اجرهم بغير حساب" ..  

شوفت فيديو للشيخ عمر عبد الكافي بيتكلم فيه عن الصبر واستشهد بالاية الكريمة ..

قال ان يوم القيامة ستخرج طائفه من الناس من مقابرهم الي الجنة مباشرةً فسألهم رضوان من انتم لتدخلوا بغير حساب؛ فقالوا أما قرأت القرآن يا رضوان نحن الصابرون (انما يوفي الصابرون أجرهم بغير حساب فيفتح لهم ابواب الجنة) 

تتخيل اشتمل القرآن كام موضع للصبر !! 

مائه وأربعة عشر (114) موضع للصبر !!

هل الصبر صفه خاصه بالمسلمين فقط عشان ذكرت في القرآن؟! لا طبعا الصبر اتذكر في جميع الاديان 

وايوب خير مثال على الصبر والمحنه والأجر .. القرآن اتكلم عن ايوب في سفر ايوب كامل لمحنه ايوب..

العهد الجديد والعهد القديم كل الاديان حثت عالصبر ..

مادلين كانت استاذ جراح في جامعة في سنغافورة شخصية يشاد لها بالتفوق المهني والعلمي نسبه الخطأ في عملياتها تكاد تكون 1% 

مادلين حياتها اتغيرت تماما خسرت اهم شيء بالنسبة للجراح "ايديها" في حادثة؛ وخسرت جوزها في نفس الحادثة خرجت من الحادثة على أمل انها تكمل حياتها المهنية والعملية ..

اكتشفت انها مريضة سرطان في مرحلة متأخرة انحسرت حياتها بين حاجتين العلاج الكيميائي وغرف العمليات للاستئصال ..

اصحابها كانوا لما بيرحوا المستشفي عشان يطمنوا عليها كانوا بيقولوا ماذا سنقول لها اي كلمات ستجيرنا في هذا الموقف؟! 

كانوا بيصعقوا فعليا لما يلاقوا مره الممرضات مجتمعين في غرفتها واصوات ضحكاتهم تخرج من الغرفة، ومرة اخري المرضي الجميع كانوا يصفونها بانها بهجة المشفي ..ف

مادلين كانت بتموت كل يوم وعالرغم من موتها كانت حياة للي حواليها وبهجة ليهم ..

فصبراً جميل ..

كتير مننا ممكن يدخل يلاقي والدته او جدته المريضه المسنه واقفه في المطبخ في الحر وهي تعبانه عشان تعمل الاكل وتخلص وتاخد العلاج وتضحك معاكم وتنام وتصحي تكمل حياتها من غير ما تقف عند مرضها لحظة ..

ممكن يبقي والدك مريض جدا وانت مريض يستأثرك على نفسه ويجري يكشف عليك انت وينسي انه مريض وسبحان الله شوية يبقي كويس ويكمل حياته ..

الذين صبروا وعلي ربهم يتوكلون .. 

جميل اوي انك تصبر والاجمل انك تكن من الصابرين ..

وما لم تنل أجره في دنياك ستناله في الآخره وذلك أفضل ..