إعلامجي | في القادم ما يبهج!!

بقلم - أسماء حامد

عزيزتي البنت 😄 الكلمتين دول ليكي وحاولي تعملي بيهم صدقيني هيفرقوا معاكي جدا✋.

1- فرحي نفسك بنفسك ماتستنيش حد يفرحك ^^ .

2- هاتي لنفسك بوكيه الورد اللي نفسك فيه ماتستنيش حد يجبهولك حتي لومعاكيش حقة حوشي لحد ماتجبيه هتفرحي أوي 😉.

3- اعزمي نفسك علي شيكولاتة آيس كريم لبان مصاصة😄.

4- هاتي لنفسك بلالين😄.

5- أخرجي مع نفسك وأعزميها علي حاجة حلوة (عصير قصب) مثلا.

6- أتفقي مع صحابك وأخرجوا يوم أتجنونوا فيه العبوا هزروا أضحكوا مافيش حاجه مستاهله نزعل. 

7- هاتي ورق ملون وأكتبي فيه آيات قرآنية بتحبيها وبتريحك وكل ماتحسي إنك متضايقة أجري على الورقة وأقريها.

8- اكتبي أذكار في ورق وعلقيها في اوضتك أو حطيه على التسريحة بتاعتك عشان كل ماتيجي تبصي في المراية تقريها.

9- إعملي ورد قرآن تقرأيه كل يوم حتي لو آيتين أو سطرين بس كبار عند ربنا والله ده الحرف بحسنة والحسنة بعشر حسنات والله يضاعف لمن يشاء.

10- افتكري دايما (وإنه هو اضحك وابكي) (ولاتهنوا ولا تحزنوا) ( وبشر الصابرين) (والله يحب الصابرين).

11- أعملي رياضة حتي لو ربع ساعه بس، أجري أتنططي أعملي اللي نفسك فيه.

12- إرسمي حتي لو شخبطة علي ورق؛ الرسم بيهدي الأعصاب.

13- أوعي تكتمي حاجة مضايقكي أبدا لو مش هتعرفي تتكلمي أكتبي في ورق وبعدين حطيه تحت المية أو ولعي فيه أي حاجه المهم تتطلعي اللي جواكي.

#ليه_تفرحي_نفسك 

فرحي نفسك 

1- عشان أنتي تستاهلي الفرحة عشان تستاهلي لما تبصي في المراية تلاقي عنيكي بتضحك ^ ^. 

2- عشان ربنا يحبك ويحبب فيكي خلقه خلي الناس تحب تشوفك دايما عشان مبتسمه دايما. 

3- عشان ضحكتك حلوة أوي. 

4- عشان أنتي حورية ودموعك غالية جدا.

5- عشان مافيش حاجة مستاهلة تزعلي عليها دي الدنيا فانية .

6- عشان الناس اللي راهنت إنها هتكسرك تعرف إنهم مايقدروش يأثروا فيكي عشان واثقة في نفسك وفي ربك.

7- عشان ربنا كبير وبيحب إنك تكوني فرحانة وراضية. 

8- عشان مهما كان الهم كبير يهون. 

9- عشان أحنا إتولدنا من غير هم ولما نموت مش هناخد الهموم دي معانا؛ فمافيش حاجة مستاهلة تزعلي عليها إفرحي وفرفشي وأوعي في يوم تنامي معيطة من أي حاجة مهما كانت ^ ^ .

إفرحي إنبسطي عيشي سنك إنتي جميلة ماتخليش أي حاجة تزعلك مهما كانت مش هتدوم والله الوقت ده هيعدي والله والمشاكل كلها هتتحل في وقتها والهم هيزول فبلاش تحزني علي حاجه وخليكي علي طول مبسوطة^ ^ .