إعلامجي | إزاي نتخلص من Negative energy
بقلم - أسماء حامد
بصوا هو معروف إن الرياضية والمشي بيساعد جدًا علي التخلص من الطاقة السلبية.
بس هتلاقي اللي يقولك رياضة إيه ياعم أنا باجي من برا على السرير علي طول من كتر التعب وبعدين مانا مقضيها مشي.
القرأة لو قرأت كتاب حلو أو رواية ده بيساعد جدا ومنها تنضيف دماغ.
طيب في ناس مابتحبش القراءة أصلا وبردوه هجيب وقت من فين اقرأ أنت غبي أنا بقولك برجع البيت مهدود.
طيب خلاص بقى في حاجة إسمها "مانديلا" دي معمولة مخصوص عشان التوتر والطاقة السلبية اللي جوانا نطلعها فيها.
أه ده أنت ناوي تنضرب بقى مانديلا إيه ياعم أنت ده الكتاب ب 50 جنية ولسة هجيب ألوان أقل حاجة 20 جنية كمان أدي 70جنية وأنا أصلا طالعن عيني عشان أوفر الـ70جنية دول واللي يخلينيي أروح أدفعهم في البتاع اللي بتقول عليه ده ما أروح أعزم نفسي علي حاجة حلوة أحسن مش أحسن بردو.
أه بس الكتاب هيقعد معاك فترة لكن الحاجة حلوة في ساعتها بس كمان أنت ممكن ترسم مانديلا مش لازم تلون أهو وفرت عليك فلوس كتير وممكن تنزلها أبلكيشن في كتير أوي لرسم وتلوين مانديلا أوفر كتير أهو مالكش حجة بقى.
طب ماهو يا فالح أنا ما عنديش وقت أقعد ألوان بردو ولا أرسم هلون أمتي ولا أرسم أمتي أنت مابتفهمش بقولك برجع أترمي على السرير.
طيب بس بس خلاص ياعم براحة أنا عندي الحل!!
أنت كده كده بترجع تنام بس أكيد يعني ما بتنامش علي طول بتقعد تفكر عملت إيه في اليوم وإيه اللي ضايقك وبتبدي رحلة وجع الدماغ.
في حاجة اسمها التأمل هنعمل إيه؟! كل اللي هنعملوا هنطفي نور الأوضة ونولع شمعة من اللي بريحة أو بخور لو مافيش مش هتقف عليها.
وهنشغل الفيديوا ده ممكن تنزلوا فيديوا أو mp3 الناس بتاعت الباقة ولعوا في الباقة ونزلوه هيفيدكم كتير
أول واحد ده 8 دقايق
والتاني ده 3 دقايق شوف إيه المناسب ليك ونزله
المهم غمض عينك واتنفس براحة نفسك هينتظم، حاول ترمي كل حاجة ورا ضهرك وماتفكرش صفي ذهنك.
إيه أفتكرت كل حاجة مش عاوز تفتكرها؛ مش عارف تصفي ذهنك بص هو عادي عشان أول مرة ركز مع الصوت بتاع الفيديوا بس البحر والنورس ممكن بردوه تلاقي نفس الوضع وصراع جواك!!
اتنفس بعمق وركز برده في الفيديوا بس أتخيل إنك بتطفوا علي وش المياه والموج بيرميك علي الشط وكل شوية تيجي عليك موجة تنعشك؛ من الآخر سيب نفسك للتيار سيب كل حاجة مش عاوز تفتكرها تعدي أنت بتصفي ذهنك مع الوقت وكل يوم هتلاقي نفسك اتعلمت تصفي ذهنك وتفكر في الحاجات الإيجابية بس وبتنام وأنت ذهنك صافي مافيش حاجه معكننة عليك.
علي فكره في ناس ممكن أول ماتسمع الفيديوا ده ترتاح جدا وماتفكرش في حاجه أصلا أنت ومقدرتك ولو إفتكرت حاجه مش حلوة عادي ده ممكن أول مرة أو أول مرتين بس لكن بعد كده هتسترخي
الحوار ده أنا كنت مجرباه من فترة طويلة شوية وافتكرته امبارح بليل بس وقررت اقولكم عليه.
ممكن نعمل كده وقت الفجر أه أصحوا الفجر وشموا هوا الفجر أو أصحوا بدري والحقوا الهوا وهو نضيف قبل ما نلوثه وأسمعوا الفيديوا
لازم تجربوا هتفرق معاكم جدا
إعلامجي | إزاي نتخلص من Negative energy
عرض بواسطة e3lamgy
على
1:54:00 م
التصنيف:
عرض بواسطة e3lamgy
على
1:54:00 م
التصنيف:
ليست هناك تعليقات: