إعلامجي | "فبأي آلاء ربكما تكذبان"

بقلم - آلاء محمود

ربنا بيقول في كتابه العزيز "وإن تعدوا نعمة الله لا تحصوها" 

ودي حقيقة من كتر النعم اللي إحنا عايشين فيها منقدرش نعدها علي صوابعنا اللى هي نعمة من ضمن النعم.

_ نعمة السمع والبصر اللى غيرنا مفتقدنها .

_ نعمة الصبر اللى ربنا قال عنها "وبشر الصابرين". 

_ نعمة مساعدة الغير اللى بتخلي يبقي لينا دعوة في ظهر الغيب لمجرد إننا ساعدنا حد منعرفهوش .

_ نعمة الصحة فيه غيرنا كل يوم في مستشفي شكل وعملية شكل.

_ نعمة الأهل، الصحاب، الزوج،... فيه غيرنا معندهوش.

_ نعمة الإبتسامة اللى حبيبنا المصطفي _عليه الصلاة والسلام_ كانت دايما على وشه لدرجة إن كان أحب الدعاء على قلبه لما حد يدعيله «أضحك الله سنك» :) 

_ نعمة العفو اللى ماتت في الزمن ده .

_ نعمة الستر برغم ذنوبنا الكتيـــــــــــــر اللى بنعملها بس ربنا مبيفضحناش .

_ نعمة التوبة فيه غيرنا مات وهو ملحقش يرجع لربنا بس إحنا لسه ربنا بيدينا فرص كتير عشان نرجعله .

لو بصينا في كتاب ربنا هنلاقي منه رسايل كتير بيوصلها لينا واللى منها :

قال تعالى: 

(إن الله لذو فضل على الناس ولكن أكثر الناس لا يشكرون) 

(يا أيها الناس اذكروا نعمة الله عليكم )

(فاذكروا آلاء الله لعلكم تفلحون )

(لئن شكرتم لأزيدنكم )

لكن فوق ده كله إحنا ممكن منحسش بلذة أي نعمة من النعم دي وده بسبب إننا مستسلمين لشوشو اللي بيخلينا دايما حاسين بحزن ووجع وكآبة وهم، بالرغم من إن مصدر التعاسة ده بيبقى عبارة عن أوهام شيطانية ليس إلا، مع إن كل واحد فينا لو فضى نفسه شوية عشان يعد كام نعمة من النعم اللى هو فيها هيلاقي قلبه بيضحك وتلقائي الضحكة دي هتترسم علي وشه.

محتاجين نعرف نعم ربنا علينا اللي أنا مقولتش واحد من عشرة منها ونحسها ونحمده عليها وأكبر نعمة ممكن تبقى كفيلة إنك متبطلش تقول "الحمدلله" هي نعمة التوحيد «وجود ربنا في حياتك وعبادتك ليه مش لحد تاني دي لوحدها كفاية لإن من غيرها مش هيبقي لينا مكان في الجنة».

اللهم إنا نعوذ بك من زوال نعمتك