إعلامجي | فرد الشعر بالكرياتين آمن ولا ضار؟!

كتبت - أميرة حسن

-شعرك مقصف! شعرك خشن ومش ناعم! زهقتى من كى الشعر بشكل مستمر! أقولك على الحل وصفة سحرية.. "اعملى بروتين أو كرياتين للشعر"

-بروتين! كرياتين! بس دول بيعملوا سرطان 

-إزاي بقى؟! 

-أصل فيهم مواد مسرطنه 

ومين قالك بقى؟! استنى بس إحنا هنفهمك الموضوع ببساطة:

-الشعر بيدخل فى تكوينه بروتينات كتيره منها مثلا ماده كيراتين اللى هى نوع من البروتين الموجود داخل بصيلة الشعر، ففكر خبراء الشعر تعويض المادة دى سواء للشعر المقصف أو للشعر الخشن، فبدأوا بدراسة بعض البروتينات الموجوده فى الشعر، ولقوا إن أهمها هو كيراتين وبالفعل جربوه على الشعر بس مقدروش يوصلوا الكرتاتين لأعماق الشعره فجربوا استخدام الحرارة عن طريق المكواه وبكده يضمنوا يدخل جوه الشعرة.

لكن فضل مشكله كبيرة وهى إن المادة كده هيفقدها الشعر مع كل تسريح أو غسيل للشعر ففكروا فى طريقه يثبتوها على الشعر علشان تفضل لأطول فتره ممكنه على الشعر محافظه عليه وكمان تخليه مفرود وناعم فقاموا جربوا مادة اسمها فورمالين أو فورمالديهايد أومشتقاتها وبالفعل نجحوا ووصلوا للخلطة السحرية لشعر ناعم وصحى بيستمر لحوالى 5 أشهر أو أكثر على حسب نوع الشعر، واتجه الكثير للحل الجديد وذهلوا بالنتايج لحد ماظهرت المشكلة الكبيرة!! 

وهى إن ماده الفورمالين أثناء وضعها على الشعر وبمساعده الحرارة بيتصاعد غاز الفورمالين اللى بالتجارب والأبحاث اثبتت ان له أضرار كثيرة وأصدرت منظمات عالمية تابعه لحقوق العاملين انه بإجراء التجارب على الحيوانات اسفر عن اثار جانبيه كتيره وباجراء بعض التجارب على الاشخاص تبين بعض الاثار الجانبيه طبقا لنسبه الفورمالين واتفقوا بشكل نهائي ان النسبه المصرح بيها فى المواد دى يجب الا يتعدى 0.1 جزئ فى المليون (ppm 0.1) وبالدراسة أثبتت أنه لو زاد الحد عن كده بشكل بسيط بيؤدى للتاثير على الجهاز التنفسى وبيهيج العين لدرجه كبيره من الاحمرار وكمان ممكن الشعور بالاعياء وتاثيرات على المرأه الحامل وكمان نزيف بالانف وموقفش الأمر عند ده، إلا أنهم لقوا لو زادت النسبه بشكل كبير بنسبة (0.5ppm) ممكن يؤدى الى زيادة نسبة سرطانات الجهاز التنفسى وسرطانات الدم زى الليوكيميا والليمفوما (ودا بحسب بعض الدراسات العلمية، في حين أن دراسات أخرى قالت ان استعمال المادة دي لا يسبب أي زيادة في حدوث السرطانات).

والنسب دى بتبقى موضحه على العبوه المستخدمه فى بند المكونات.

بس لازم ناخد بالنا ان الشركات الكبرى علشان تطمن الناس حطوا علامه خالى من الفورمالين الا أنهم حطوا مواد تانيه كمصدر الفورمالين ومن أشهر المواد دى

methylene glycol, methylene oxide, perform, formic aldehyde, methanal, oxomethane, oxymethylene, timonacic acid, thiazolidine carboxylic acid. 

والماده دى بتبقى موجوده سائله اصلا فى المنتج لكن مع المكواه بتتحول لغاز الفورمالين وده اللى بيسبب الأمراض الكتيره دى. 

وبكده لازم توخى الحذر عند استخدام هذه المواد عن طريق:

- التأكد من مصدر المنتج وأن تكون نسب الفورمالين به مطابقه للمواصفات القياسية.

-قراءة طرق الاستخدام الأمثل لكل منتج وطرق تقليل أثاره الجانبية.

- ضمان التهويه الجيدة في صالونات التجميل أثناء القيام بعمليه فرد الشعر.

المراجع العلمية:

http://m.cancer.org/…/othercarc…/intheworkplace/formaldehyde

http://www.naturalnews.com/045055_formaldehyde_hair_treatme…

http://www.iol.co.za/capeti…/hair-style-cancer-shock-1679040

http://center4research.org/…/whats-the-deal-with-keratin-t…/

Image may contain: one or more people and text