إعلامجي | بقعة ضوء ... الحجاب!!

بقلم - أسماء حامد

بنسمع عن بنات كتير أوي بتقلع الحجاب اليومين دول فيهم اللي بتقلعه عشان مش مقتنعة بيه، أو عشان لبسها مش مناسب للحجاب، وفيهم اللي بتقلعه عشان تعرف تلاقي شغل ودي أغرب حاجه بصراحة!

آية محمود منظمة "مسابقة ملكة جمال المحجبات" وصاحبة الفكرة، بنت مصرية بدأت مشورها في دعم الحجاب والمحجبات، وفكرتها كل يوم بتكبر وناس أكتر بتآمن بيها.

آية fashion designer للمحجبات بتدعم البنات المحجبات من خلال تصاميمها وصفحتها علي ال Facebook.

التصاميم بتاعتها بتتميز بإنها مريحة وعملية للبنت المحجبة سواء في الشغل أو الجامعة.

آية من الناس القليلة اللي عندها إرادة أنها تفضل ورا حلمها وهدفها، وعندها إصرار إنها توصله وفعلا حققت شوط كبير جدا في حلمها، عشان كده آية كانت أول نموذج معانا بقعة ضوء بنتمني لــ آية  أكتر من كده وإن صوتها يوصل لأكبر عدد من البنات.