إعلامجي | التسلسل!!
بقلم - رنا الجندي
أي حاجة في حياتنا بتبدأ كبيرة وبالوقت أو بالتجارب والإعادة تصغر قيمتها أو تقل قوتها وتأثيرها...
قاتل متسلسل لما سألوه عن إحساسه أثناء القتل؟!!
قال رد غريب ومريب (تكمن الصعوبة في البداية ولكن مع إعادة الحدث تأتي الأمور أسهل من أن تأكل لإحساسك بالشبع)
ولما سألوا واحد تاني لما بيفتكر ضحاياه؟!!
كان رده (الأولي لا تنسى دائما وما بعد ذلك يعد اختلاجات نفسية لا أكثر)
تخيل لما يبقي القتل اللي هو أبشع شيء بالسهولة دي لمجرد تكرار الفعل!!
أي شيء تأثيره مهما كان قوته على نفسك في البداية هيقل مع الوقت؛ حزنك مهما زاد؛ الموقف اللي ضايقك؛ صاحبك اللي سابك!!
أي حاجة حصلتلك مع الوقت هتمر هتعدي ومش هتحس بيها، حتي لو إتكرر معاك نفس الحاجة مش هتبقي بقوة الأولى.
لما سألوا الناس اللي عايشين في المقابر عن إزاي هما عايشين وسط الأموات؟!!
كان ردهم (إن أول جنازة عيطوا والتانيه اتأثروا والثالثة كانوا بياكلوا سابوا الأكل وبعد كدة بقي عادي الجنازة تكون موجودة وهما اللي بيلعب واللي بياكل واللي بيشرب وغيره...)
التأثير بيقل مهما كان قوته، التأثير الخارجي بيقل أكتر من التأثير الشخصي!!
تيد بندي لما سألوه هل كنت تتخيل انك هتكرر القتل بعد أول مرة؟!! قال (لا)
تيد قتل أكتر من 100 شخص في خلال خمس سنين!!
أي حد وهو في الموقف لا يمكن يتخيل أنه ممكن يحصل معاه نفس الموقف تاني، هو بيتخيل إنه مش هيقدر يتعايش باللي حصل ده وإنه مش هيعدي منه.
سألوا تيد نفس السؤال بس غيروا كلمة أول مرة بتاني مرة؟!!
قال (نعم توقعت أني سأعيد ما حدث بلي إني توقعت معايير أفضل للأمر)
ثاني مرة بتلاقي إن مخك تلقائي بيبدأ يكون صورة أفضل للتعامل مع الموقف ويتفنن في إنه يكون منفرد في إدارة الموقف بشكل أفضل مهما كان مر سيمر، ومهما كنت ساذج ستتعلم!! كل موقف بيزيدك معرفة وتفتح وخبرة!!
القتل حاجة وحشة والقتله المتسلسلين وحشين ودي مجرد أمثلة للعرض ليست للتطبيق 😃
#عالم_مش_عاجبهم_العجب_ياخال
إعلامجي | التسلسل!!
عرض بواسطة e3lamgy
على
8:10:00 م
التصنيف:
عرض بواسطة e3lamgy
على
8:10:00 م
التصنيف:
ليست هناك تعليقات: